مراسم تحلیف ریاست جمهوری عبدالله عبدالله برگزار شد
همزمان با مراسم تحلیف ریاست جمهوری «محمد اشرف غنی» در ارگ ریاست جمهوری، «عبدالله عبدالله» نامزد مدعی پیروز در انتخابات امروز (دوشنبه ۱۹ حوت/اسفند) در قصر سپیدار بهعنوان رئیسجمهور افغانستان سوگند یاد کرد.
تاریخ انتشار : دوشنبه ۱۹ حوت ۱۳۹۸ ساعت ۱۷:۱۰
همزمان با مراسم تحلیف ریاست جمهوری «محمد اشرف غنی» در ارگ ریاست جمهوری، «عبدالله عبدالله» نامزد مدعی پیروز در انتخابات امروز (دوشنبه ۱۹ حوت/اسفند) در قصر سپیدار بهعنوان رئیسجمهور افغانستان سوگند یاد کرد.
پس از اینکه کمیسیون انتخابات محمد اشرف غنی را پیروز انتخابات اعلام کرد، عبدالله عبدالله رئیس اجرائیه حکومت وحدت ملی و از نامزدان پیشتاز در انتخابات ریاست جمهوری با رد نتایج کمیسیون انتخابات، خود را براساس آرای بایومتریک شده برندهٔ انتخابات ریاستجمهوری ۶ میزان/مهر معرفی کرد.
درحالی که در چند روز گذشته شماری از طرفهای داخلی و خارجی قصد داشتند میان عبدالله و غنی میانجیگری کنند، امروز هر دوی آنها در مراسمهای جداگانه ای به عنوان رئیسجمهور افغانستان سوگند یاد کردند.