​ریاست‌جمهوری: راکت پراکنی‌های پاکستان نقض قوانین بین‌المللی است

ارگ ریاست‌جمهوری به راکت‌پراکنی‌های اخیر ارتش پاکستان به مناطق سرحدی افغانستان واکنش نشان داد و آن را نقض آشکار قوانین بین‌المللی دانست.
تاریخ انتشار : سه شنبه ۷ عقرب ۱۳۹۸ ساعت ۱۶:۵۸
​ریاست‌جمهوری: راکت پراکنی‌های پاکستان نقض قوانین بین‌المللی است
ارگ ریاست‌جمهوری به راکت‌پراکنی‌های اخیر ارتش پاکستان به مناطق سرحدی افغانستان واکنش نشان داد و آن را نقض آشکار قوانین بین‌المللی دانست.

«صدیق صدیقی»، سخنگوی ارگ ریاست‌جمهوری در پیامی توییتری همچنین خواستار قطع فوری این اقدام از جانب پاکستان شد.

صدیقی نوشت: «حکومت افغانستان، راکت پراکنی‌های نظامیان پاکستانی بر مناطق نزدیک به خط فرضی دیورند را، نقض آشکار قوانین بین‌المللی دانسته و با شدت محکوم می‌کند. ما خواهان قطع فوری چنین اقدام‌های از جانب پاکستان هستیم.»

این در حالی است که در نتیجهٔ راکت‌پراکنی‌های روزهای اخیر نظامیان پاکستانی در ولسوالی ناری ولایت کنر سه زن کشته و چهار غیرنظامی دیگر زخمی شدند.
کد مطلب: 91100
 


 
نام و نام خانوادگی
ایمیل