رئیس صحت عامه بغلان: ناامنی سبب شده تا شماری از متخصصان شفاخانهٔ ولایتی دست از کار بکشند

به گفتهٔ رئیس صحت‌ عامهٔ بغلان، پزشکان هشدار داده‌اند که در صورت ادامهٔ ناامنی‌ها دست از فعالیت برمی‌دارند.
تاریخ انتشار : دوشنبه ۱۳ جوزا ۱۳۹۸ ساعت ۰۹:۴۱
رئیس صحت عامه بغلان: ناامنی سبب شده تا شماری از متخصصان شفاخانهٔ ولایتی دست از کار بکشند
افزایش ناامنی‌ها در ولایت بغلان موجب نگرانی پزشکان این ولایت شده‌است. در تازه‌ترین مورد، شماری از افراد مسلح ناشناس یک «کلینیک دندان» را در شهر پلخمری و در نزدیکی حوزهٔ اول امنیتی این شهر آتش زدند.
«محب‌الله حبیب»، رئیس صحت عامهٔ بغلان به رسانه‌ها می‌گوید، ناتوانی نیروهای امنیتی در مهار ناامنی سبب شده تا شماری از متخصصان و پزشکان شفاخانهٔ ولایتی، دست از کار بکشند.
به گفتهٔ رئیس صحت‌ عامهٔ بغلان، پزشکان هشدار داده‌اند که در صورت ادامهٔ ناامنی‌ها دست از فعالیت برمی‌دارند.
«سیدعلی آیت» از پزشکان شفاخانهٔ ولایتی بغلان و تنها متخصص روان‌شناسی در این ولایت بود که در نتیجهٔ انفجار یک ماین جاسازی شده در داخل اتاق کارش جان باخت.
به گفته پزشکان بغلانی جاسازی ماین در موتر پزشکان، لت‌وکوب و تهدید به مرگ آنان از جمله مواردی می‌باشد که بارها در بغلان تکرار شده‌است.
«فرید»، یکی از پزشکان مشغول به کار در ولایت بغلان می‌گوید، در صورتی که نیروهای دولتی امنیت پزشکان را تأمین نکنند، آنان نمی‌توانند به مردم خدمات صحی ارایه کنند.
«احمد جاوید بشارت»، سخنگوی فرماندهی پولیس بغلان اما می‌گوید، تا کنون هیچ پزشکی در پیوند با مشکلات امنیتی به پولیس مراجعه نکرده‌است.
این درحالی است که اسنادی که در اختیار رسانه‌ها قرار گرفته، نشان می‌دهد که پزشکان بغلان دو ماه پیش از نیروهای امنیتی خواسته بودند در تأمین امنیت پزشکان و کارمندان صحی این ولایت بیشتر تلاش کنند.
کد مطلب: 90212
 


 
نام و نام خانوادگی
ایمیل