سفیر افغانستان در دوشنبه خواهان کمک طبی تاجیکستان به مردم بدخشان شد

مناطق دور دست ولایت بدخشان افغانستان بخاطر برفباری شدید و برف کوچ‌ها در انزوا مانده‌اند.
تاریخ انتشار : شنبه ۱۳ دلو ۱۳۹۷ ساعت ۱۶:۰۳
سفیر افغانستان در دوشنبه خواهان کمک طبی تاجیکستان به مردم بدخشان شد
سید معصوم بدخشی سفیر افغانستان در تاجیکستان با وزیر صحت تاجیکستان نسیم عالمزاد ملاقات کرده و خواهان کمک طبی به مردم بدخشان افغانستان شده‌است.
مناطق دور دست ولایت بدخشان افغانستان بخاطر برفباری شدید و برف کوچ‌ها در انزوا مانده‌اند.
در اعلامیه وزارت صحت تاجیکستان آمده‌است که سفیر افغانستان مشکلات و نیازمندی‌های طبی مردم بدخشان افغانستان را به وزیر صحت تاجیکستان شرح نمود و خواهان کمک طبی به مناطق دور دست این ولایت افغانستان شد.
وزارت صحت و محافظت اجتماعی تاجیکستان می‌گوید سالانه حداقل ۳۰ افغان در شفاخانه بدخشان تاجیکستان تحت معالجه قرار می‌گیرند و به اساس پروژه مشترک تاجیکستان و بدخشان افغانستان اتباع افغان از این مناطق برای معاینات طبی به تاجیکستان می‌روند که بنیاد آغاز خان مصارف آنرا می‌پردازد.
کد مطلب: 88346
 


 
نام و نام خانوادگی
ایمیل