​عبدالله برای شرکت در اجلاس سازمان شانگهای عازم تاجیکستان شد

رئیس اجراییه برای اشتراک در هفدهمین اجلاس سران حکومت‌های عضو سازمان همکاری شانگهای به تاجیکستان رفت.
تاریخ انتشار : پنجشنبه ۱۹ میزان ۱۳۹۷ ساعت ۱۰:۲۰
​عبدالله برای شرکت در اجلاس سازمان شانگهای عازم تاجیکستان شد
به گزارش پیام آفتاب و به نقل از دفتر ریاست اجرائیه، عبدالله عبدالله امروز (پنجشنبه ۱۹ میزان) در رأس یک هیئت بلندپایهٔ دولتی به منظور اشتراک در هفدهمین اجلاس سران حکومت‌های سازمان همکاری شانگهای عازم دوشنبه پایتخت تاجیکستان شد.
در این سفر «صلاح‌الدین ربانی» وزیر امور خارجه و شماری از مسئولین حکومتی رئیس اجراییه را همراهی می‌نمایند.
رئیس اجراییه در اجلاس سران کشورهای عضو سازمان همکاری شانگهای که سالانه برای ارزیابی وضعیت منطقه و سیاست‌های این سازمان برگزار می‌گردد به نمایندگی از افغانستان اشتراک و سخنرانی می‌کند.
رئیس اجراییه در حاشیهٔ نشست سران حکومت‌های عضو سازمان همکاری شانگهای با رئیس‌جمهور تاجیکستان، نخست‌وزیر روسیه، نخست‌وزیر چین، نخست‌وزیر ازبیکستان، نخست‌وزیر قزاقستان، نخست‌وزیر قرغیزستان، نخست‌وزیر تاجیکستان، نخست‌وزیر بلاروس و وزیر امور خارجه هند دیدار می‌کند.
عبدالله در سخنرانی خود در این اجلاس و در دیدارهای خود با مقامات و نمایندگان کشورهای مختلف در حاشیه اجلاس در کنار موضوعات مختلف به‌طور عمده پیرامون نیاز مبرم مبارزه مشترک با دهشت‌افگنی، مبارزه با قاچاق مواد مخدر، گسترش همکاری‌و همگرایی منطقه‌ای، تطبیق برنامه‌های کلان منطقه‌ای، افزایش دادوستد بازرگانی و جلب حمایت کشورهای منطقه از روند صلح به مالکیت و رهبری افغانستان صحبت می‌کند.
کد مطلب: 84844
لينک کوتاه خبر: https://goo.gl/TgYt2X
 


 
نام و نام خانوادگی
ایمیل