امضای تفاهم‌نامه تبادل زندانیان میان کابل و دوشنبه/ عبدالله فردا به تاجیکستان می‌رود

پیام آفتاب: رؤسای جمهور افغانستان و تاجیکستان تفاهم نامۀ استرداد زندانیان دو کشور را به امضا رساندند که براساس آن شهروندان زندانی دو کشور، به کابل و دوشنبه تسلیم داده خواهند شد.
تاریخ انتشار : چهارشنبه ۲۲ ثور ۱۳۹۵ ساعت ۱۱:۰۶
امضای تفاهم‌نامه تبادل زندانیان میان کابل و دوشنبه/ عبدالله فردا به تاجیکستان می‌رود
این تفاهم نامه دیروز در حضور رؤسای جمهور دو کشور در شهر دوشنبه امضا شد.
محمد اشرف غنی که در رأس یک هیأت ارشد دولتی، براساس دعوت رئیس جمهور امام علی رحمان، به شهر دوشنبه سفر کرده است، روز گذشته با رئیس جمهور، صدراعظم، و رئیس پارلمان تاجیکستان دیدار های جداگانه‌ای انجام داده است.
«دواخان مینه پال» معاون سخنگوی ريیس جمهور اشرف غنی، می‌گوید: موضوعات مورد بحث رئیس جمهور با سران تاجیکستان، مبارزه با هراس افگنی، مواد مخدر و امنیت منطقه‌‌ای می‌باشد.
این در حالی است كه قرار است فردا عبدالله عبدالله رئیس اجراییه دولت وحدت ملی، در رأس یک هیات ارشد دولتی به هدف افتتاح پروژه کاسا هزار، که برق تاجیکستان و قرقیزستان را از طریق افغانستان به پاکستان منتقل می‌کند، عازم شهر دوشنبه پایتخت تاجکستان شود.
کد مطلب: 51947
مرجع : کلیدگروپ
 


 
نام و نام خانوادگی
ایمیل